उच्चस्तरीय विदेशी पाहुनाको भ्रमण हुँदैछ : परराष्ट्रमन्त्री खड्का

काठमाडौं । परराष्ट्रमन्त्री डा‍.नारायण खड्काले नेपालमा विदेशी मुलुकबाट उच्च स्तरीय भ्रमण हुन लागेको बताएका छन् । सोमबार परराष्ट्र मन्त्रालयमा आयोजित पत्रकार सम्मेलनमा उनले उच्च स्तरीय भ्रमण हुन लागेको जानकारी गराएका हुन् । यद्यपि उनले कसको भ्रमण कहिले हुन लागेको भन्नेबारे खुलाएनन् ।

मन्त्री खड्काले अहिलेको सरकार बनेपछि नेपाललाई हेर्ने दृष्टिकोणमा सकारात्मक परिवर्तन आएको पनि दावी गरे । आफ्नो साढे पाँच महिनाको कार्यअवधिको समीक्षा गर्दै उनले भने ‘अमेरिकी राष्ट्रपति जो बाइडेनले आयोजना गरेको लिडर समिटमा प्रधानमन्त्रीलाई स्थान दिनुभएको थियो । त्यो समिटले नेपालको भूमिका पहिचान गराउने कार्य भएको छ ।’ संयुक्त राष्ट्रसँघमा नेपालको उपस्थिति बलियो हुँदै गएको पनि मन्त्री खड्काको दाबी छ ।

फेसबुकबाट प्रतिक्रिया
सम्बन्धित समाचार