भक्तपुरमा २१ वर्षीया युवतीद्वारा आत्महत्या

भक्तपुरको मध्यपुर थिमि नगरपालिका वडा नं. ९ बोडेमा एक युवतीले आत्महत्या गरेकी छन् । स्थानीय राजेन्द्र थापाको घरमा डेरा गरी बस्ने सुमन खड्गीकी २१ वर्षीया श्रीमती अस्मिता खड्गीले सोही घरमा आत्महत्या गरेकी हुन् ।

घरको बाहिरपट्टी ईट्टाको गारो लगाई जस्ताले छाएको ट्वाईलेटमा छानो अड्याउने काठमा सलको पासो लगाई झुण्डिएको अवस्थामा उनको शव भेटिएको हो ।

मृतकका ८ वर्षका छोरा साइमन खड्गीले देखेर जानकारी गराए पश्चात पासो काटी तत्काल उपचारको लागि नजिकैको कोरियन अस्पताल ठिमी लगेकोमा उपचारको क्रममा मृत्यु भएको महानगरीय प्रहरी परिसर भक्तपुरले जनाएको छ ।

घटनास्थलमा अनुसन्धान अधिकृत सहितको प्रहरी टोली खटीई प्रारम्भिक अनुसन्धान कार्य गरी थप अनुसन्धान कार्य भइरहेको परिसरका सूचना अधिकृत राजु पाण्डेले जनाए ।