प्रधानन्यायाधीश जबराविरुद्ध महाभियोग : यस्ता छन्, आधार र कारण (पूर्णपाठसहित)

✍️: टिभी अन्नपूर्ण 🕒 प्रकाशित: २०७८ फाल्गुन १, आईतवार १२:५६

काठमाडौं । प्रधानन्यायाधीश चोलेन्द्र शमशेर जबराविरुद्ध महाभियोग प्रस्ताव दर्ता भएको छ । प्रस्ताव दर्ता गर्ने सत्तारुढ दलका सांसदहरुले उनी लोकतन्त्र, मानवअधिकार, जनताको न्याय, विधिको शासन, सवैधानिक सर्वोच्चता एवं स्वतन्त्र, सक्षम, निश्पक्ष र जिम्मेवार न्यायपालिकाको जगेर्ना गर्न वर्तमान अक्षम रहेको बताएका छन् ।

९८ सांसदले महाभियोग लगाउनुको आधार र कारणहरु खुलाउँदै उक्त कुरा उल्लेख गरेका छन् । संसद सचिवालयमा दर्ता गरिएको महाभियोग प्रस्तावमा सर्वोच्च अदालत लगायत न्यायपालिका भित्र नै जबराको कार्यकालमा अतिशय विकृति, विसंगती, भ्रष्टाचार तथा विचौलियाहरुले प्रवेश पाएको जिकिर गरिएको छ ।