सर्वोच्च अदालतको सेवा संकुचन थप १० दिन लम्बियो

सर्वोच्च अदालतको सेवा संकुचन २८ माघसम्म जारी रहने भएको छ ।

कोरोना संक्रमणको नयाँ भेरियन्ट ‘अमिक्रोन’ जोखिमका कारण १८ माघसम्म तय भएको सेवा संकुचन बढेर २८ माघसम्म लम्बिएको हो ।

५ माघदेखि बन्दी प्रत्यक्षीकरण र कोरोना महामारी सम्बन्धित सुनवाइ मात्रै गर्दै आएको सर्वोच्च अदालतको पूर्ण बैठकले थप १० दिन सेवा संकुचनको निर्णयलाई लम्बाउने निष्कर्षमा पुगेको हो ।

मुलुकी फौजदारी संहिता, फौजदारी कार्यविधि बमोजिम थुनामा रहेका व्यक्तिको निवेदन र प्रतिवेदनका साथ मुद्दा दर्ता, पेसी, तारिख र जनस्वास्थ्य मापदण्ड कायम गरी जारी राख्ने पुर्ववत निर्णय भने यथावत् रहनेछन् ।

फेसबुकबाट प्रतिक्रिया
सम्बन्धित समाचार