कामना सेवा विकास बैंकको शाखा कार्यालय दुलेगौंडा स्थानान्तरण गरिएको छ । तनहुँ जिल्ला शुक्लागण्डकी नगरपालिका-८ ढोर फिर्दीको शाखा कार्यालय आइतबार दुलेगौडा-४ मा स्थानान्तरण गरिएको हो ।
ग्राहकहरुको सुविधालाई मध्यनजर गर्दै शाखा स्थानान्तरण गरिएको बैंकले जनाएको छ । बैंकका सञ्चालक चतुराखर अधिकारी, बलराम बराल र देवकृष्ण काफ्लेले संयुक्त रुपमा उद्घाटन गरी सेवा सुरु गरिएको छ ।
बैंकले सामाजिक सञ्जाल बैंकिङ, मोबाइल बैंकिङ, इन्टरनेट बैंकिङ, एसएमएस बैंकिङ जस्ता विभिन्न डिजिटल माध्यमबाट समेत सेवा प्रदान गर्दै आएको छ ।
बैंकको देशभर १ सय २९ वटा शाखा, १ विस्तारित शाखा, १ शाखारहित बैंकिङ सेवा तथा ७७ वटा एटीएम सुविधा छन् ।