बिहीबार थप ५३४ जनामा कोरोना पुष्टि, ५ जनाको मृत्यु

नेपालमा बिहीबार थप ५३४ जनामा कोरोना पुष्टि भएको छ । देशभर गरिएको ३५ सय ८८ पिसिआर परिक्षणका क्रममा ४९० र ५६४ एन्टीजेन परिक्षणका क्रममा ४४ जनामा कोरोना देखिएको स्वास्थ्य मन्त्रालयले जनाएको छ । योसँगै नेपालमा कोरोना संक्रमितको संख्या दुई लाख ८२ हजार ५४ पुगेको छ ।

त्यस्तै कोरोनाका कारण थप ५ जनाको मृत्यु भएको छ भने हालसम्म नेपालमा तीन हजार ६६ जनाले कोरोनाका कारण ज्यान गुमाएका छन् । गत २४ घण्टामा १५७ जना निको भएका छन् । हालसम्म नेपालमा दुई लाख ७४ हजार ६०४ जनाले कोरोना जितेका छन् । हाल नेपालमा ४३ सय ८४ जना आइशोलेशन र ६८ जना क्वारेन्टाइनमा छन् । नेपालमा हालसम्म २३ लाख २९ हजार ५४७ वटा पिसिआर गरिएको मन्त्रालयले जनाएको छ ।

फेसबुकबाट प्रतिक्रिया
सम्बन्धित समाचार