नेकपा एमाले विखण्डनतर्फ गयो, अब माथि उठ्न सक्दैन: नेता खनाल (भिडियोसहित)

नेकपा (एकीकृत समाजवादी) का नेता झलनाथ खनालले नेकपा एमाले विखण्डनतर्फ जान लागेको भन्दै अब माथि उठ्न नसक्ने तर्क गरेका छन् ।

बिहीबार काठमाडौँमा आयोजित पुस्तक विमोचन कार्यक्रममा उनले जनताप्रति गरेका प्रतिवद्धता पुरा नगरेको र पार्टीको कार्यदिशा तथा सिद्धान्त नै परित्याग गरेकाले एमाले अब विखण्डनतर्फ जान लागेको भन्दै अव माथि उठ्न नसक्ने तर्क गरेका हुन् ।

नेता खनालले जनताले शक्तिशाली बनाएको एमालेलाई केपी ओलीले कमजोर बनाएकाले एमाले अब पानीको फोका जस्तै भएको जिकिर गरे । गएको निर्वाचनमा जनतासँग गरेको प्रतिविद्धतालाई पनि ओलीले तिलाञ्जली दिएको र पार्टीलाई सही बाटोमा हिँडाउन नसकेका कारण आफूहरूले नयाँ बाटो रोजेको उनको भनाई छ ।

त्यस्तै खनालले पार्टी निर्माणको चार महिनामै आफूहरूले राष्ट्रव्यापी पार्टी बनाइसकेको समेत दाबी गरेका छन् । खनालले समाजवादमा पुगेर मात्र सुखी नेपाली समृद्ध नेपालको लक्ष्य पुरा हुने धारणा राखेका छन् ।

फेसबुकबाट प्रतिक्रिया