ज्ञानेन्द्रसहित ४ खेलाडीमाथि कारबाही, सन्दीप लामिछाने बने कप्तान

राष्ट्रिय क्रिकेट टिमका कप्तान ज्ञानेन्द्र मल्ल र उपकप्तानबाट दीपेन्द्र सिंह ऐरीलाई नेपाल क्रिकेट संघ (क्यान) ले हटाएको छ । क्यानले नयाँ कप्तान सन्दीप लामिछानेलाई बनाउने निर्णय गरेको छ । क्यानको बुधबार बसेको बैठकले उनीहरुले क्रिकेट अनुशासन उलंघन गरेको आरोपमा पदमुक्त गर्ने निर्णय गरेको हो ।

यस्तै मल्लसहित उपकप्तान दीपेन्द्रसिंह ऐरी, अलराउन्डर सोमपाल कामी र बलर कमलसिंह ऐरीलाई वर्गीकरणबाट सन् २०२१ मा प्राप्त हुने ६ महिनाको तलब नदिने निर्णय गरेको छ।