टिकटक बनाउन कर्णाली नदीमा हामफालेका सञ्जय बेपत्ता

Sunrise Bank Middle Size

कैलालीको चिसापानीमा शनिबार घुम्न गएका तीन जना युवाले पुलबाट कर्णली नदीमा हाम्फाल्दा एक जना बेपत्ता भएका छन् भने दुई जनाको उद्धार गरिएको छ ।

ब्राईट फ्युचर एकेडेमी लम्कीमा कक्षा १० मा अध्ययनरत आठ जना युवाहरु शनिबार सँगै घुम्न निस्केका थिए । सोही क्रममा टिकटक बनाउन भन्दै तीन जना नदीमा हाम फालेको र दुई जनाको सकुशल उद्दार गरिएपनि एक जना बेपत्ता भएको प्रहरीले जनाएको छ ।

हाम्फालेकामध्ये लोकेश प्याकुरेल र विरेन्द्र सिंहको उद्धार गरिएको छ भने सञ्जय खड्का बेपत्ता भएका छन् । हाम फाल्नेमध्ये वीरेन्द्र सिंह पौडिएर निस्केका थिए । सिंहले आफू पौडी खेल्न जान्ने भएकाले साथीलाई बचाउन हाम्फालेको प्रहरीलाई बताएको जनाइएको छ । पौडी खेल्न जान्ने भए पनि घोप्टो पर्दा छातीमा चोट लागि पानीभित्र निसास्सिएर पौडिन नसकी डुबेको हुनसक्ने प्रहरीको अनुमान छ ।

नजिकै र्याफ्टिङमा रहेका र प्रत्यक्षदर्शी स्थानीयले तुरुन्त प्रहरीलाई खबर गरेपछि डुबेको केही समयमै लोकेशको उद्धार गरिए पनि सञ्जय भने डुबेका डुब्यै भएका थिए ।

उद्धार गरिएका प्याकुरेलको नाकमुखबाट रगत आएकाले स्थानीय अस्पतालमा प्राथमिक उपचारपछि थप उपचारका लागि नेपालगञ्ज पठाइएको प्रहरीले जनाएको छ ।

Prabhu Bank Middle Size
Kumari Bank Middle Size
Loading...