विद्यालयलगायत भीडभाड हुने क्षेत्र बन्द गर्न स्वास्थ्य मन्त्रालयको सिफारिस (भिडियो)

Sunrise Bank Middle Size

कोरोनाभाइरस संक्रमण थप बढ्न सक्ने देखिएकाले विद्यालयलगायत भीडभाड हुने क्षेत्र बन्द गर्न स्वास्थ्य तथा जनसंख्या मन्त्रालयले सिफारिस गरेको छ ।

दोस्रो लहरको कोरोनाभाइरस महामारी आएको र यो थप फैलन सक्ने भएकोले विद्यालयलगायत भीडभाड हुने क्षेत्र बन्द गर्न मन्त्रालयले सिफारिस गरेको हो ।

नयाँ प्रजातिको भाइरस तीव्र गतिमा फैलिन थालेको भन्दै कोभिड– १९ क्राइसिस म्यानेजमेन्ट कमिटी (सिसिएमसी) लाई सिफारिस गरेको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकरी दिए ।

प्रवक्ता डा।जागेश्वर गौतमका अनुसार विद्यालयलगायत भीडभाड हुने अन्य क्षेत्र सिनेमा हल, रेष्टुरेन्ट, पार्टी प्यालेस बन्द गर्न मन्त्रालयले सिफारिस गरेको छ ।केही महिनादेखि विद्यार्थी भौतिक रूपमा उपस्थित भएर विद्यालय र क्याम्पसमा पठनपाठन हुँदै आएको छ ।

पछिल्लो समय नेपालमा कोरोनाको दैनिक संक्रमण बढ्दै गएको छ । बिहीबार मात्रै नेपालमा ३ सय ३२ जनालाई कोरोना संक्रमण पुष्टि भएको थियो । यस्तै ८ चैत यता दुई सयभन्दा बढी बालबालिका संक्रमित भइसकेका छन्  ।

Prabhu Bank Middle Size
Kumari Bank Middle Size
Loading...