एमालेको १० बुँदे सहमति कार्यान्वयनमा देखिएका समस्या समाधान गर्ने विषयमा छलफल

नेकपा एमालेको १० बुँदे सहमति कार्यान्वयनमा देखिएका समस्या समाधान गर्न गठित उच्चस्तरीय कार्यदलको बैठकले सहमति कार्यान्वयन देखिएका समस्यालाई समाधान गर्ने विषयमा छलफल गरेको छ  । एमाले पार्टी कार्यालय बबरमहलमा मंगलबार बसेको बैठकमा १० बुँदे सहमतिको केही बुँदा कार्यान्वयन भइसकेको र सहमतिका अन्य बुँदाको कार्यान्वयन गर्ने विषयमा छलफल भएको कार्यदल संयोजक भीम रावलले जानकारी दिएका छन् ।
त्यस्तै बैठकमा विधान महाधिवेशनमा हुने प्रतिनिधित्वका विषयमा देखिएका समस्याहरूलाई समाधानका लागि छलफल भएको उनले बताए । विधान महाधिवेशनमा प्रतिनिधित्वका लागि उपयुक्त विधि र संरचनागत समाधानका विभिन्न उपायहरूमाथि छलफल भएको रावलले बताएका छन् ।  कार्यदलमा महासचिव ईश्वर पोखरेल, विष्णु पौडेल, घनश्याम भुसाल, शङ्कर पोखरेल, सुरेन्द्र पाण्डे र लेखराज भट्ट रहेका छन् ।
फेसबुकबाट प्रतिक्रिया
सम्बन्धित समाचार