मलेसियाबाट एकैदिन ल्याइयो ६ जनाको शव र १५ जनाको अस्तु

मलेसियाबाट एकैदिन ६ नेपालीको शव र १५ जनाको अस्तु नेपाल ल्याइएको छ ।

वैदेशिक रोजगारीका लागि मलेशिया पुगि विभिन्न कारण मृत्यु भएकाहरुको शव र अस्तु शनिबार नेपाल ल्याइएको हो । नेपाल सरकार र मलेसियामा रहेको जनउद्धार केन्द्रकोे पहलमा मृतकको शव नेपाल ल्याएर आफन्तलाई बुझाइएको हो ।

जनउद्धार केन्द्र मलेसियाका स्वयंसेवक मुकुट रायमाझीका अनुसार २१ मृतकमध्ये एक २० वर्षअघि मलेशिया गई हालसम्म नेपाल नफर्किएकाको समेत छन् । परिवारका सदस्यहरुले बुबाको अनुहारै नदेखेको बताएपछि जनउद्धार केन्द्रको पहलमा शव नेपाल ल्याएको उनले बताए । सन् २००२ मा उनी मलेसिया गएका ती श्रमिक सम्पर्कबिहीन भएर बसेका थिए ।

कानूनी र प्रक्रियागत झन्झटले गर्दा विदेशमा मुत्यु भएका व्यक्तिको शव ल्याउन अझै सहज भएको छैन । विदेशमा मृत्यु भएकाहरुको शव ल्याउनका लागि नेपाल सरकार र त्यहाँँस्थित जनउद्धार समितिले पहल गर्दै आएको छ । सरकारले मृतकका आफन्तको घरसम्म शवबाहनमा शव पुर्याउने गर्दै आएको छ ।

 

Loading...