बिहीबार थप १ हजार २७१ जनामा कोरोना पुष्टि, १४ जनाको मृत्यु

नेपालमा बिहीबार थप १ हजार २७१ जनामा कोरोना पुष्टि भएको छ । देशभर गरिएको८ हजार ८९८ पिसिआर परिक्षणका क्रममा १ हजार ५८ र ३ हजार ४६ एन्टीजेन परिक्षणका क्रममा २ सय १३ जनामा कोरोना संक्रमण पुष्टि भएको स्वास्थ्य मन्त्रालयले जनाएको छ । यो संगै नेपालमा कोरोना संक्रमितको संख्या ८ लाख ६० हजार ८०६ पुगेको छ ।

त्यस्तै कोरोनाका कारण थप १४ जनाको मृत्यु भएको छ । नेपालमा कोरोनाका कारण हालसम्म १० हजार ९ सय ३ जनाको मृत्यु भएको छ ।

त्यस्तै १ हजार ८ सय ४५ संक्रमित कोरोनामुक्त हुँदा हालसम्म नेपालमा ७ लाख ३५ हजार ६ संक्रमित कोरोनामुक्त भएका छन् । मन्त्रालयका अनुसार हाल देशभर सक्रिय संक्रमितको संख्या २८ हजार ६७८ जना रहेका छन् । जसमध्ये २६ हजार ८८६ जना होम आइसोलेसनमा रहेका छन् भने १ हजार ७९२ जना संस्थागत आइसोलेसनमा रहेका छन् । कोरोनाका बिरामीमध्ये ४५८ जना आईसीयू र १३९ जना भेन्टिलेटरमा उपचाररत् छन् ।