वाईसीएलको संयोजकमा देवकोटा चयन

नेकपा ९माओवादी केन्द्र०को युवा सङ्गठन योङ कम्युनिस्ट लिग नेपाल (वाईसीएल) संयोजकमा सुमन देवकोटालाई चयन भएका छन् ।

मंगलबार काठमाडौँमा बसेको वाईसीएलको पहिलो केन्द्रीय समिति बैठकले देवकोटालाई चयन गरेको हो । त्यस्तै बैठकले सह–संयोजकमा सुबोधराज शेर्पालीलाई चयन गरेको छ । बैठकले हालको केन्द्रीय समितिलाई तेस्रो राष्ट्रिय सम्मेलन आयोजक समितिमा रूपान्तरण गरेको वाइसिएल अध्यक्ष रामप्रसाद सापकोटा ‘दीपशिखा’ ले जानकारी दिए । उनले छिटै राष्ट्रिय सम्मेलन गर्ने गरी संयोजक र सहसंयोजक तय गरेको बताए । बैठकले वाईसीएल एकढिक्का रहेको सन्देश गएको उनको भनाई छ ।

संयोजकमा चयन भएपछि संयोजक देवकोटाले जनयुद्ध र जनआन्दोलनबाट प्राप्त उपलब्धिलाई रक्षा गर्न सशक्त भूमिका खेल्ने बताए ।

बैठकमा अध्यक्ष पुष्पकमल दाहाल ‘प्रचण्ड’ले एमसीसी पास नहुने घोषणा गरेका छन् । राष्ट्र र राष्ट्रियतामाथि प्रश्न उठ्ने कुरामा माओवादी केन्द्रले सहमति नजनाउने उनले बताए ।

फेसबुकबाट प्रतिक्रिया
सम्बन्धित समाचार