चितवनमा ध्रुवे हात्तीको आक्रमणबाट पाँच गैंडा गणक घाइते

गम्भीर घाइतेको हेलिकोप्टरबाट उद्धार

Sunrise Bank Middle Size

चितवन राष्ट्रिय निकुञ्जमा गैंडा गणनाका लागि खटिएका गणकमाथि जंगली हात्ती ‘ध्रुवे’ले आक्रमण गर्दा पाँच जना घाइते भएका छन् ।

पूर्वी नवलपरासीको मध्यविन्दु नगरपालिका २ गैंडाखालमा गैंडा गणनाको क्रममा हात्तीले आक्रमण गर्दा उनीहरु घाइते भएका हुन् । गैंडा गणनामा खटिएका कर्मचारी र माउते गरि पाँच जना घाइते भएको गणनामा संलग्न हेमराज आचार्यले जानकारी दिए ।

गैंडा गणना गर्नेक्रममा जंगली हात्तीले गणनामा खटिएको हात्तीलाई घेरा हाल्दा गणनामा खटिएको हात्ती डराएर भाग्ने क्रममा राष्ट्रिय प्रकृति संरक्षण कोषका संरक्षण अधिकृत ३५ वर्षीय विनोद श्रेष्ठ गम्भीर र दुई जना माहुते सर्लाही जिल्लाको हरिपुर नगरपालिका ७ का ४२ वर्षका दीपेन्द्र चौधरी र रौटहट चन्दनपुर नगरपालिका ७ निवासी ५१ वर्षका देवलाल चौधरी घाइते भएको उनले बताए । अन्य दुई जना घाइते भने सामान्य उपचारपछि डिस्चार्ज भइसकेको उनले बताए ।

गम्भिर घाइते श्रेष्ठलाई नवलपुरको कावासोतीमा प्रारम्भिक उपचारपछि थप उपचारका लागि हेलिकप्टरबाट काठमाडौं पठाइएको र उनको ह्याम्स अस्पतालका उपचार भइरहेको निकुञ्जका प्रमुख संरक्षण अधिकृत अणनाथ बरालले जानकारी दिए । दीपेन्द्र र देवलालको जिल्ला अस्पताल मध्यविन्दुमा उपचार भइरहेको उनले बताएका छन् ।

Prabhu Bank Middle Size
Kumari Bank Middle Size
Loading...