९ हजार ८७५ वटा नमुना परिक्षण गर्दा १ हजार २६८ जनामा संक्रमण

नेपालमा शनिबार थप १ हजार २६८ जनामा कोरोना संक्रमण पुष्टि भएको छ । देशभर गरिएको ६ हजार ७५३ पिसिआर परिक्षणका क्रममा १ हजार २४ र ३ हजार १२२ एन्टीजेन परिक्षणका क्रममा २४४ जनामा कोरोना पुष्टि भएको स्वास्थ्य मन्त्रालयले जनाएको छ ।

त्यस्तै कोरोनाका कारण थप ९ जनाको मृत्यु भएको छ । हालसम्म १० हजार ८ सय १८ जनाले कोरोनाका कारण ज्यान गुमाएका छन् ।

त्यस्तै थप २ हजार १९५ संक्रमित कोरोनामुक्त हुँदा हालसम्म नेपालमा ७ लाख २५ हजार ६५१ जनाले कोरोना जितेका छन् ।

हाल ३१ हजार ८२६ सक्रिय संक्रमित आइशोलेशन र २७४ जना क्वारेन्टाइनमा छन् ।