विङ्गर र अटो ठोकिँदा ३ जनाको मृत्यु, ४ घाईते

कैलालीमा शुक्रबार राति विईङ्गर र अटो एक आपसमा ठोकिँदा ३ जनाको मृत्यु भएको छ भने चार जना घाइते भएका छन् ।  कैलाली गौरीगङ्गा न.पा ४ राजिपुरस्थित पूर्व पश्चिम राजमार्ग पश्चिमबाट पूर्वतर्फ गइरहेको  म १ ज ३१९ नम्बरको विङ्गर र पूर्वबाट पश्चिमतर्फ गइरहेको से १ ह २५१० न.को अटो एक आपसमा ठोकिएर दुर्घटना भएको हो ।

दुर्घटना भएको जानकारी पाउनासाथ प्रहरी टोली घटनास्थलमा पुगेर अटोमा सवार ७ जना घाइतेलाई तत्काल उपचारका लागि सेती प्रादेशिक अस्पताल धनगढी पठाएकोमा ३ जनाको उपचारको क्रममा मृत्यु भएको प्रहरीले जानकारी दिएको छ। मृत्यु हुनेमा कैलाली घोडाघोडी न.पा ९ बस्ने २४ वर्षीय युवराज चौधरी, २६ वर्षीय  भिगम चौधरी र १९ वर्षीय जितेन चौधरी रहेका छन् ।

यस्तै प्रहरीका अनुसार घोडाघोडी न.पा ९ बस्ने २४वर्षीय दीपेन्द्र चौधरी, २२ वर्षीय  सुरेश चौधरी, २०  वर्षीय असान्त चौधरी र ३० वर्षीय  हरि चौधरी घाइते भएका छन् । घाइते ४ जनाको धनगढी स्थित माया मेट्रो अस्पतालमा उपचार भइरहेको छ । थप अनुसन्धान जारी रहेको प्रहरीले जनाएको छ ।