कैदीबन्दी घरमा दशैखर्च पठाउनमा व्यस्त

बडादशैँ नजिकिँदै गर्दा दमौली कारागारमा रहेका कैदीबन्दी घरमा दशैँ खर्च पठाउन व्यस्त छन् । तिनले मुढा, माछा मार्ने जाल, नाम्लो, ढकियालगायत सामग्री बनाएर बिक्री गरेर आएको पैसा घर पठाएका हुन् ।

सरकारले उपलब्ध गराउँदै आएको दैनिक रु ६० र ७०० ग्राम चामलले अपुग हुने भएपछि उनीहरु थप कमाइ गर्न लागेका हुन् ।कैदी विष्णु भुजेलले मुढा बिक्री गरेर आएको रु १५ हजार घर पठाइएको बताए ।

कारागारमा बनाइएका सामग्री तनहुँ कास्की, लमजुङ, गोरखालगायत जिल्लामा बिक्री गरिँदै आएको सहलेखापाल शकुन्तला न्यौपानेले बताए ।

उनका अनुसार २५ जना क्षमताको कारागारमा नयाँ भवन थपेर ६५ जना बस्न मिल्ने बनाइएको छ । हाल कारागारमा ५३ थुनुवा र ६१ कैदीबन्दी छन् ।

Related posts

Leave a Comment