माओवादीले सरकारमा सहभागी हुने मन्त्रीहरूको नाम आज टुङ्गो लगाउँदै

नेकपा माओवादी केन्द्रले सरकारमा सहभागी हुने मन्त्रीहरुको नाम आज टुंगो लगाउदैँ छ । सरकारमा सहभागी हुने मन्त्री छान्ने विषयमा छलफल गर्न नेकपा माओवादी केन्द्रले आज स्थायी कमिटी बैठक बोलाएको छ।

आज अपरान्ह ३ बजे पार्टी कार्यालय पेरिसडाँडामामा स्थायी कमिटी बैठक बस्दैछ । पार्टी कार्यालय पेरिसडाँडामा आइतबार बसेको माओवादी स्थायी कमिटी बैठकमा यस विषयमा छलफल भएपनि निर्णय हुन सकेको थिएन ।

पार्टीका तर्फबाट सरकारमा सहभागी हुने मन्त्री छान्ने विषयमा आज बैठक केन्द्रित रहनेछ। माओवादीबाट यसअघि नै अर्थमन्त्रीमा जनार्दन शर्मा र ऊर्जा मन्त्रीमा पम्फा भुसाल प्रधानमन्त्री शेरबहादुर देउवा नेतृत्वको सरकारमा सहभागी छन्।  माओवादीले ७ मन्त्रालय पाउने भनिएको छ। गत असार २९ गते प्रधानमन्त्रीको जिम्मेवारी सम्हालेका देउवाले मन्त्रिपरिषदलाई पूर्णता दिन सकेका छैनन् ।