नेपालमा थप २ हजार ५ सय ६८ जनामा कोरोना पुष्टि, १८ जनाको मृत्यु

नेपालमा आइतबार थप २ हजार ५ सय ६८ जनामा कोरोना पुष्टि भएको छ । देशभर गरिएको ८ हजार ४०२ पिसिआर परिक्षणका क्रममा १ हजार ९ सय ८१ र ४ हजार २ सय ३४ एन्टीजेन परिक्षणका क्रममा ५ सय ८७ जनामा कोरोना पुष्टि भएको स्वास्थ्य मन्त्रालयले जनाएको छ। यो संगै कोरोना संक्रमितको संख्या ७ लाख ५९ हजार ३०७ पुगेको छ ।

त्यस्तै थप १८ कोरोना संक्रमितको मृत्यु भएको छ । योसँगै हालसम्म नेपालमा ९ हजार ८ सय ७५ जनाले कोरोनाका कारण ज्यान गुमाएका छन् । त्यस्तै थप २ हजार २० जना कोरोनामुक्त हुँदा हालसम्म नेपालमा ६ लाख ५६ हजार १९७ जना संक्रमित कोरोनामुक्त भएका छन् ।

यस्तै अहिलेसम्म नेपालमा ३६ लाख ११ हजार ८६७ वटा पिसिआर परिक्षण तथा ३ लाख २२ हजार ६०१ वटा एन्टीजेन परिक्षण गरिएको छ ।