सुनवलमा मोटरसाइकल दुर्घटना हुँदा चालकको मृत्यु

नवलपरासी पश्चिममा मोटरसाइकल दुरंघटना हुँदा चालकको मृत्यु भएको छ ।

आइतबार राति सुनवल नगरपालिका १२ फरौली र रामग्राम नगरपालिका- ११ को सिमानास्थित भित्री सडकमा लु१७प ८७८८ नं. को मोटरसाइकल दुर्घटना भएको हो ।

जिल्ला प्रहरी कार्यालय नवलपरासी पश्चिमका सूचना अधिकारी डिएसपी रेशम बोहराका अनुसार मृत्यु हुनेमा सुनवल नगरपालिका-९ स्वाठी बस्ने २६ वर्षीय रामनाथ कंवर छन् ।

उनले चलाएको मोटरसाइकल आफै अनियन्त्रित भएर सडकको दाया किनारतर्फको नालीमा परेको थियो । दुर्घटनामा गम्भीर घाइते भएका रामनाथलाई उपचारका लागि राति नै जिल्ला अस्पताल परासी पुर्‍याइएको थियो ।

उपचारकै क्रममा राति ११:५० बजे उनको मृत्यु भएको डिएसपी बोहराले जानकारी दिए । मृतकको शव पोष्टमर्टमका लागि सोही अस्पतालमा राखिएको छ ।