स्कुल बस दुर्घटना हुँदा ११ जना घाइते

सुर्खेतको वीरेन्द्रनगरस्थित डिभी निकेतन स्कुलको बस दुर्घटना हुँदा ११ विद्यार्थी घाइते भएका छन् ।

विद्यार्थी पुर्‍याउन जाँदै गर्दा वीरेन्द्रनगर ७ र ८ को बीचमा पर्ने इत्राम खोलामा दुर्घटना हुँदा ११ जना घाइते भएको जिल्ला प्रहरी कार्यालय सुर्खेतका प्रवक्ता डिएसपी वीरेन्द्र वीर विश्वकर्माले जानकारी दिए ।

उनका अनुसार कर्णाली प्रदेश ०२–००१ क ०७६९ नम्बरको बस ४:४० मिनेटमा गाडी तर्न बनाइएको स्लोपबाट चिप्लिएको हो । घाइतेहरुको देउती अस्पतालमा उपचार भइरहेको छ ।