विनोद र ससिका राईको ‘एकैसाथ यो झरीमा’ गीत रिलज (भिडियो सहित)

नेपाली तारा सिजन ३ फ्रेमबाट चर्चामा आएका गायक विनोद राई र द भ्वाइस अफ नेपाल सिजन २ फ्रेमबाट चर्चामा आएकी गायिका ससिका राईको नयाँ गीत रिलिज भएको छ ।

‘एकैसाथ यो झरीमा’बोलको गीत देबेश ससिका युट्युव च्यानलबाट रिलिज गरिएको छ । यस गीतमा इन्दु तामाङको शब्द रहेको छ भने नेपाली तारा सिजन ३ का फस्ट रनरअप चर्चित गायक देबेश राईको संगीत, एरेञ्ज र मिक्सिङ मास्टर रहेको छ । यस गीतलाई आफ्नै स्टुडियोमा रेकर्ड गरिएको हो ।

‘एकैसाथ यो झरीमा’गीतको म्युजिक भिडियोलाई फराज अर्पणले निर्देशन गरेका छन् । म्युजिक भिडियोमा प्रविन राई र अञ्जना बराइलीको अभिनय देख्न सकिन्छ । गीतको भाव र म्युजिक भिडियोको स्टोरी अनुसार प्रविन र अञ्जनाले उत्कृष्ट काम गरेका छन् । प्रविन र अञ्जनाको जोडी पनि म्युजिक भिडियोमा जमेको छ । यस भिडियोलाई निर्देशनसँगै सिनेमाटोग्राफी र सम्पादन पनि फराज अर्पणकै रहेको छ ।