सुन चाँदीको मूल्य घट्यो, कतिमा भइरहेको छ कारोबार ?

मंगलबार नेपाली बजारमा सुन र चाँदीको मूल्य घटेको छ ।

नेपाल सुन चाँदी व्यवसायी महासंघकाअनुसार सुनको मूल्य तोलामा चार सय रुपैयाँले र चाँदीको मूल्य तोलामा १५ रुपैयाँले घटेको छ ।

आज छापावाल सुनको मूल्य प्रतितोला एक लाख ११ हजार ९०० रुपैयाँ र तेजावी सुनको मूल्य प्रतितोला एक लाख ११ हजार ३५० रुपैयाँ कायम गरिएको छ ।

यस्तै चाँदीको मूल्य १३ सय ७५ रुपैयाँ कायम भएको छ ।

यसअघि सोमबार एक लाख १२ हजार ३०० रुपैयाँमा छापावाल सुन, एक लाख ११ हजार ७५० रुपैयाँमा तेजावी सुन र १३ सय ९० रुपैयाँमा चाँदीको खरिद बिक्री भएको थियो ।