डिशहोमको ‘हरेक हप्ता सुपरस्टार सिजनकै मेगास्टार’ अभियानका विजेतालाई पुरस्कार प्रदान

‘हरेक हप्ता सुपरस्टार सिजनकै मेगास्टार’का विजेता रानिवास भोजपुरका भुपाजित राईलाई पुरस्कार रकम प्रदान गरिएको छ ।​​

डिश मिडिया नेटवर्कका प्रतिनिधिले राईको घरमा पुगेर उनको परिवारलाई नगद रु एक लाख हस्तान्तरण गरेका हुन् ।​ बाजागाजासहित एक कार्यक्रमको आयोजना गरी सम्मानसहित पुरस्कार रकम प्रदान गरिएको कम्पनीले जनाएको छ ।

२०८० असोज ८ गते सोमवार भएको लक्की ड्र मार्फत राईले नगद रु एक लाख जितेका थिए । नेपालकै अग्रणी डीटीएच सेवा प्रदायक डिशहोमले दशैं तिहारलाई लक्षित गर्दै आफ्नो नयाँ योजना ‘हरेक हप्ता सुपरस्टार सिजनकै मेगास्टार’ सार्वजनिक गरेको हो ।

यस योजना अन्तर्गत डिशहोमको नयाँ जडान अथवा रिचार्जमा ग्राहकहरूले हरेक हप्ता लक्की ड्र मार्फत नगद रु एक लाख प्राप्त गर्न, मिडिया कभरेज प्राप्त गर्न र सेलिब्रेटी झैं जीवनशैली अनुभव गर्न सक्ने छन् । त्यस्तै यस अभियानका बम्पर विजयी ग्राहकले सिजनकै मेगास्टार बन्ने मौका प्राप्त गर्नेछन् ।

जसमा नगद रु दश लाख, मिडियामा प्रसिद्धी र सेलिब्रेटी झैं जीवनशैलीको अनुभव पनि गर्न पाउनेछन् । यस अभियानमा सहभागी हुनका लागि ग्राहकहरूले डिशहोमको नयाँ कनेक्सन वा डिशहोम रिचार्ज गर्नुपर्ने हुन्छ ।

सुपरस्टारको छनोट हरेक हप्ताको सोमवार डिशहोमको शोकेश, सरोकार टीभी, रमाइलो टीभी, डिशहोमको आधिकारिक फेसबूक पेज र ईमेज टीभीमा साँझ पाँच बजे प्रत्यक्ष प्रसारण हुनेछ ।

‘हरेक हप्ता सुपरस्टार सिजनकै मेगास्टार’ अभियान यही असोज १ गतेदेखि सीमित अवधिको लागि नेपालभर लागू हुनेछ ।