तीन सय रुपैयाँले बढ्यो सुनको मूल्य

शुक्रबार नेपाली बजारमा सुनको मूल्य बढेको छ । बिहीबार प्रतितोला एक लाख १२ हजार रुपैयाँमा कारोबार भएको सुनको मूल्य आज तीन सय रुपैयाँले बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलाको एक लाख १२ हजार तीन सय रुपैयाँ रहेको छ भने तेजावी सुनको मूल्य प्रतितोला एक लाख ११ हजार ७५० रुपैयाँ रहेको छ ।

त्यस्तै, आज चाँदीको मूल्य भने पाँच रुपैयाँले घटेको छ । हिजो चाँदीको मूल्य प्रतितोला एक हजार चार सय १० रुपैयाँमा कारोबार भएकोमा आज प्रतितोला एक हजार ४०५ रुपैयाँ मूल्य कायम भएको महासंघले जनाएको छ ।