१३ दिनपछि खुल्यो सदन, सुन तस्करी प्रकरणमा गृहमन्त्रीले जवाफ दिने

नेकपा एमालेले अवरोध गर्दे आएको प्रतिनिधिसभाको बैठक आज बालुवाटारमा भएको शिर्ष दलबीचको छलफलपछि चल्ने भएको छ । उपप्रधान तथा गृहममन्त्री नारायणकाजी श्रेष्ठले सुन तस्करी प्रकरणमा उठेका सवालको जवाफ दिने भएपछि एमाले तत्कालका लागि बैठक चलाउन सहमत भएपछि अवरोध तत्कालका लागि हट्ने भएको हो ।
बालुवाटारमा भएको तीन दलको शीर्ष नेताहरूको बैठकमा आज सदन चल्न दिने सहमति भएको एमालेका सचेतक महेश बर्तौलाले जानकारी दिएका छन । उनले आजको बैठकमा गृहमन्त्रीले जवाफ दिने र नेताहरूले पनि आफ्नो कुरा राख्ने बताए ।
गृहमन्त्रीले जवाफ दिँदा आफ्नो माग सम्बोधन नगरे पुनः सदन अवरोध गर्ने पनि उल्लेख गरेका छन । बर्तोलाले सरकारले प्रतिपक्षलाई गलाउने नीति लिएको जिकिर गरे । सरकारले प्रतिपक्ष दलहरूबीच पनि फाटो ल्याउने नीति बनाएको बर्तोलाको भनाई थियो ।