जनमत पार्टीले सरकारलाई दिएको समर्थन कायम राख्ने
जनमत पार्टीले सङ्घ र प्रदेश सरकारलाई दिएको समर्थन कायम राख्ने भएको छ ।
पार्टीको केन्द्रीय समिति बैठकमा अध्यक्ष डा. सिके राउतले वर्तमान सरकारलाई निरन्तरता दिने निर्णय गरेका पार्टीका केन्द्रीय प्रवक्ता डा. शरद सिंह यादवले बताए ।
बैठकले पार्टी सङ्गठनलाई पाँच गुणा ठूलो बनाउने लक्ष्यका साथ ‘मिसन–८४’ अगाडि बढाउने निर्णय गरेको छ ।
पार्टीले आज स्थानीय जनप्रतिनिधि सम्मिलित पार्टी समन्वय बैठक बोलाएको छ । बैठकमा वडाअध्यक्ष, नगर प्रमुख, उपप्रमुख, गाउँपालिका अध्यक्ष र उपाध्यक्षको सहभागिता रहनेछ ।
