सुन प्रतितोला ६ सय रुपैयाँ घट्दा चाँदीको कति घट्यो ?

बुधबार नेपाली बजारमा सुन र चाँदीको मूल्य घटेको छ । आज सुन तोलामा ६०० रुपैयाँ र चाँदी तोलामा १५ रुपैयाँले घटेको नेपाल सुनचाँदी व्यवसायी महासंघले जनाएको छ ।

यससँगै, आज छापावाल सुन प्रतितोला १ लाख १२ हजार ४ सय र तेजावी सुन प्रतितोला १ लाख ११ हजार ८ सय ५० रुपैयाँ कायम छ । हिजो मंगलबार छापावाल सुन प्रतितोला १ लाख १३ हजार रुपैयाँ र तेजावी सुन प्रतितोला १ लाख १२ हजार ४ सय ५० रुपैयाँमा कारोबार भएको थियो ।

यस्तै मंगलबारको तुलनामा बुधबार चाँदी प्रतितोला १५ रुपैयाँले घटेर १ हजार ४ सय ६० रुपैयाँ कायम भएको छ ।