धुम्बाराहीमा सात वटा सवारी साधन एक आपसमा ठोक्किँदा आठ जना घाइते

काठमाडौँ – काठमाडौंको चप्पल कारखाना चोक धुम्बाराहीमा साता वटा सवारी साधन एक आपसमा ठोकिँदा ८ जना घाइते भएका छन् ।

बिहीबार दिउँसो मार्वल बोकेको गाडी, एउटा कार, एउटा हाइस र ४ वटा मोटरसाइकल एक आपसमा ठोकिएका हुन् । घाइतेमध्ये ७ जनाको ह्याम्स अस्पताल र एक जनाको त्रिवि शिक्षण अस्पताल महाराजगंजमा उपचार भैरहेको प्रहरीले जनाएको छ ।