छुट्टाछुट्टै स्थानमा भएका सवारी दुर्घटनामा ३ जनाको मृत्यु

काठमाडौँ । शुक्रबार देशका विभिन्न स्थानमा भएका सवारी दुर्घटनामा परेर ३ जनाको मृत्यु भएको छ । नेपाल प्रहरीको दैनिक बुलेटिनका अनुसार शुक्रबार बिहान बाराको कलैयामा बसको ठक्करबाट एक बालकको मृत्यु भएको छ । बालमन्दिरस्थित सडकमा ना २ ख ४२१० नम्बरको बसको ठक्करबाट भारत मुझफरपुर घर भई हाल कलैया उपमहानगरपालिका–१ मोतिबाग बस्ने बिनोदकुमार सोनारका ३ वर्षीय छोरा कार्तिककुमार सोनारको मृत्यु भएको हो । बसको ठक्करबाट गम्भीर घाइते भएका उनको प्रादेशिक अस्पताल कलैयामा उपचारको क्रममा मृत्यु भएको हो । बस र चालकलाई प्रहरीले नियन्त्रणमा लिएको छ ।

त्यस्तै कास्कीमा भएको सवारी दुर्घटनामा परेर एक युवतीको मृत्यु भएको छ । पोखरा महानगरपालिका–४ चिप्लेढुङ्गामा ग।१ ख ७१०८ नम्बरको बसले ग।१९ प ९९८९ नम्बरको स्कुटरलाई ठक्कर दिँदा स्कुटर चालक युवती २४ वर्षीया दिक्षा कार्कीको मृत्यु भएको हो । कार्की झापा दमक नगरपालिका ४ की स्थायी वासिन्दा हुन् । पछिल्लो समय उनी पोखरा महानगरपालिका–५ पर्स्याङ बस्ने गर्थिन् । दुर्घटनामा गम्भीर घाइते भएकी उनको पश्चिम क्षेत्रीय अस्पतालमा उपचारको क्रममा मृत्यु भएको हो ।