लोकगायक राजेन्द्र लम्सालको निधन

काठमाडौं । लोकगायक राजेन्द्र लम्सालको निधन भएको छ । १२ वर्षदेखि स्पेनमा बस्दै आएका ६० वर्षीय गायक लम्सालको सोमबार राति निधन भएको पारिवारीक स्रोतले जनाएको छ । लम्साल मोडल तथा कलाकार सागर लम्साल (बले) का बुवा हुन् ।

लम्साल पहिल्यैदेखि बिरामी थिए ।पछिल्लो समय पिसाबसम्बन्धी समस्या देखिएको थियो । लम्सालको पार्थिव शरीरलाई स्पेनबाट नेपाल ल्याइने भएको छ । भिडियो छायांकनका लागि पोखरा पुगेका सागर पनि काठमाडौं फर्कंदैछन् ।

‘जापान टोकियो’ उनको सर्वाधिक चर्चित गीत हो । लोकगायक रामजी खाँडले पनि श्रद्धाञ्जली दिएका छन् ।राजेन्द्रका सागरसहित ३ छोरा र १ छोरी छन् ।