प्रधानमन्त्री ओली पार्टी फुटाउन लागि परेको माधव नेपालको भनाई (भिडियो)

नेकपा एमालेका नेता माधव कुमार नेपालले आफुहरु पार्टी फुटाउने पक्षमा नरहेको बताएका छन् ।

मंगलबार काठमाडौंमा आयोजित अनेरास्ववियूको राष्ट्रिय भेलालाई सम्बोधन गर्दै वरिष्ठ नेता नेपालले आफू नभइ प्रधानमन्त्री ओली पार्टी फुटाउन लागि परेको बताएका हुन् ।

ओलीमा कम्युनिष्ट चरित्र नभएको बताउँदै नेता नेपालले ओलीले सुरुदेखि नै गुटको राजनीति गरेको बताए । त्यस्तै उनले अध्यक्ष ओलीले सोधेको स्पष्टिकरणले आफू नतर्सेको र ओलीसँग आत्मसमर्पण पनि नगर्ने उल्लेख गरेका छन् । नेता नेपालले हिम्मत भए आफूहरुलाई पार्टीबाट निकालेर देखाउन ओलीलाई चुनौती समेत दिएका छन् ।

ओलीमा व्यक्तिवादी प्रवृत्ति रहेको भन्दै आफू जहिल्यै संगठनलाई केन्द्रमा राखेर सोच्ने गरेको नेपालको भनाइ छ । नेपालले ओलीले कम्युनिष्ट आन्दोलनलाई बिर्सजन गर्ने प्रयास गरिरहेको तर्क पनि गरे । ओली व्यक्तवादी भएको आरोप लगाउँदै नेता नेपालले आफूहरु ओली प्रवृत्तिविरुद्ध लडिरहेको धारणा राखेका छन् ।

नेपालले ओलीको व्यक्तिवादी चिन्तनलाई बहिस्कार गर्दै अघि हिँड्न कार्यकर्तालाई आह्वान गर्दै आफ्नो समूह सामूहिकवादी प्रवृत्ति र सबैलाई मिलाउने दिशातर्फ उन्मुख हुनुपर्ने बताएका छन् ।

भिडियो हेर्न यहाँ क्लिक गर्नुहोस् :

https://www.facebook.com/tvannapurnaofficial/videos/2795488890704482