आज खण्डग्रास सूर्य ग्रहण लाग्दै, नेपालमा बार्नु नपर्ने

आज खण्डग्रास सूर्य ग्रहण लाग्दैछ । पञ्चांग निर्णायक समितिका अनुसार सुदूरपूर्वी एवं उत्तर अमेरिका, मंगोलिया, चीन, नर्वे, ग्रीनल्याण्ड, युके, युरोप र प्यासिफिक क्षेत्रबाट देखिने सूर्य ग्रहणको नेपालमा भने कुनै असर नहुने भएको छ ।

नेपालमा सूर्यग्रहण नदेखिने भएकोले यसलाई बार्नुपर्ने आवश्यकता छैन । जेठ महिनाको अमावश्यमा हुन लागेको सूर्यग्रहण यो वर्षको पहिलो सूर्यग्रहण हो । नेपाली समय अनुसार दिउँसो १ बजेर ५७ मिनेटदेखि साँझ ६ बजेर ५६ मिनेटसम्म लाग्ने यो सूर्यग्रहण नेपालको कुनैपनि हिस्साबाट नदेखिनेछ ।

ग्रहणको समयमा सूर्यमा कुण्डलाकार आकृति देखिने समितिका सचिव सूर्यप्रसाद ढुंगेलले बताए । जसलाई पश्चिमाहरुले रिङ अफ फायर भन्ने गर्छन् । सूर्य, चन्द्रमा र पृथ्वी सीधा रेखामा आउँदा कुण्डलाकार सौर्यग्रहण लाग्छ ।

Loading...