कोरोनाको त्रासले लकडाउन शुरु भएको १ वर्ष, फेरि बज्यो खतराको घण्टी

एकै हप्तामा बढेका संक्रमितको सङ्ख्याले अस्पतालमा भेण्टिलेटरको अभाव

Sunrise Bank Middle Size

विश्वमहामारीको रुपमा फैलिएको कोभिड १९ को संक्रमण नेपाल भित्रिएपछि सरकारले देशभर लकडाउनको घोषणा गरेको आज १ वर्ष पुरा भएको छ । गएका १ वर्षमा कोरोना भाईरसका कारण नेपालमा ३ हजार बढिले ज्यान गुमाए भने कुल संक्रमितको सङख्या पनि झण्डै तीन लाख नजिक पुगेको छ ।

आधा वर्ष देश पूर्ण तथा कडा लकडानका बीचमा गुज्रियो भने पुरै वर्षभरी कोरोनाको त्रासका आम मानिसको दैनिक अत्यान्तै कष्टकर बन्यो । देशका उद्योग, कलकारखाना, व्यवार व्यवसाय ठप्प हुदाँ अर्थतन्त्र शिथिल बन्यो । खासगरि यातायात, हवाई उडान र होटल रेष्टुरेन्ट जस्ता पर्यटन सम्वद्ध व्यवसाय त यत्ति नराम्रोसँग प्रभावित बनेकी कतिपय फेरि उठ्नै नसक्ने अवस्थामा पुगेका छन ।

यहि बीचमा खोपको विकास र नेपालमा पनि बढि प्रभावित हुन सक्ने तथा अग्रभूमिकामा रहनेहरुका लागि सरकारले धेरै विकसित मुलुकको तुलनामा छिटो खोपको विकास समेत गरेर यसको वितरण समेत गरेको छ । तर नेपालमा महामारी फैलिएको ठिक एक वर्ष पुग्नै लाग्दा नेपालमा कोरोनाले संक्रमणले अर्को खतराको घण्टी बजाउन थालेको छ ।

विस्तारै सामान्य अवस्थामा फर्किएको कोरोना संक्रसितको तथ्याङक पुन : चुलिन थालेपछि आईतबार स्वास्थ्य मन्त्रालयले बिज्ञप्ती नै निकालेर सचेत बन्न आग्रह गरेको छ । नेपाल सरकार, स्वास्थ्य तथा जनसङ्ख्या मन्त्रालयले बिज्ञप्ती निकालेको भोलीपल्टै सोमबार नेपालमा ४ हजार ४७२ नमुना परीक्षण गर्दा १५० जनामा कोभिड(१९ को संक्रमण भेटिएको छ भने , ३ जना संक्रमितको मृत्यु भएको छ । भेटिएका संक्रमितमध्ये पनि सोमबार पुष्टि भएका संक्रमितमा नयाँ खालको भाईरसको संक्रमण हुन सक्ने भन्दै अहिले स्वास्थ्य सम्वद्ध अधिकारीहरु चिन्तित बनेका छन ।

केहिले त यसलाई सरकार वा आम जनमानसले गरेको नजरअन्दाजको प्रतिफल भन्न सम्म भ्याईसकेका छन । टेकुस्थित शुक्रराज ट्रपिकल तथा सरुवा रोग अस्पतालका चिकित्सक अनुप बास्तोला कोरोना भाइरस समुदायकै बीचमा हुदाँ पनि महामारी सकिएको भनेर नजरअन्दाज गर्नुको परिणाम देखिएको बताउँछन् ।

डाक्टर बास्तोलाकाअनुसार पछिल्लो समय प्रत्येक महिना २८र३० जना बिरामी टेकु अस्पतालमा भर्ना भएका छन् । यसरी संक्रमित भेटिइरहेको बेलामा महामारीलाई नजरअन्दाज गरेकाले अहिले संक्रमण बढेको उनको तर्क छ । ‘संक्रमण नभएको अवस्थामा पनि हामीले जनस्वास्थ्यका मापदण्ड पालना गर्नुपर्थ्यो’ डाक्टर बास्तोला थप्छन्, ‘तर संक्रमित भेटिइरहेको बेलामा पनि हामी पार्टी, भोज, नारा, जुलुस र सभा सम्मेलन गर्न थाल्यौं, गल्ती यहीँ भयो ।’

टेकु अस्पतालमा सोमबार मात्रै २ जना संक्रमित भर्ना भएका छन् । ३ जना संक्रमितको आईसीयूमा उपचार भइरहेको छ । लक्षणसहित परीक्षण गराउने आउने शंकास्पद संक्रमितको संख्या पछिल्लो १० दिनमा बढेको छ । डाक्टर बास्तोला पछिल्लो समय आफूले भोगेको एउटा घटनाले नयाँ आशंका जन्माएको बताउँछन् ।

उनकाअनुसार फागुन ७ गते एउटा होटलमा जमघटमा रहेका व्यक्ति एक हप्तापछि ज्वरो खोकी र सास फेर्न गाह्रो भएको भन्दै टेकु अस्पतालमा भर्ना भए । कोभिड(१९ को परीक्षण नतिजा पोजेटिभ देखायो भने एक्स-रे रिपोर्टमा निमोनिया । ५ दिनको उपचारपछि उनी घर फर्किए । तर, उनी सहभागी जमघटमा भएका ४० जनामा पीसीआर गर्दा १९ जनामा संक्रमण देखियो, जसमध्ये ७ जना त अस्पताल भर्ना भएको डाक्टर बास्तोला बताउँछन् । ‘५ घण्टाको एउटा जमघटमा भेला भएका ५० मध्ये १९ जना संक्रमित हुनु र ७ जना अस्पतालमा भर्ना हुनु सामान्य कुरा होइन’ डाक्टर बास्तोला भन्छन्, ‘नयाँ भेरियन्टको भाइरस फैलिएको हो कि भन्ने आशंका छ ।’

टेकु अस्पतालमा मात्रै होईन अहिले कोरोना संक्रमितको सङ्ख्या अनपेक्षित रुपमा बढेको छ । ललितपुरको पाटन अस्पातल, बलम्बुस्थित एपीएफ अस्पता, महाराजगंजस्थित त्रिवी शिक्षण अस्पतालमा पनि संक्रमित बढेको अस्पतालका चिकित्सक बताउँछन् । केहिदिनअघिसम्म नर्मल देखिएको अस्पतालमा अहिले बिरामीको चाप बढेको छ ।

‘लामो समयसम्म अस्पतालमा दुईरतीन जना मात्र बिरामी थिए, तर अहिले बिरामी थपिने क्रम छिटोछिटो भइरहेको छ । यसले हामीले सचेत रहन र फेरि महामारीसँग लड्न तयार हुनु भन्ने सन्देश दिएको डा. बाँस्तोलाको बुझाई छ । बाहिर अहिलेको अवस्थालाई सामान्य भनेपनि पाटन, बलम्बु र टेकु अस्पतालमा अहिले नै भेण्टिलेटरको अभाव देखिन थालिसकेको अस्पताल प्रशासनले जानकारी दिएको छ ।

अघिल्लो हप्तामात्रै औसतमा १ सय नमुना परीक्षण गर्दा ३ देखि ५ जना संक्रमित भेटिने गरेको अस्पतालका प्रयोगशालामा यो हप्ता संक्रमितको सङ्ख्या अनपेक्षित बढि देखियो । टेकु अस्पताल, पाटन अस्पताल, त्रिवि शिक्षण अस्पताल र बलम्बु अस्पतालको तथ्याङ्क हेर्दा औसतमा १ सयको परिक्षण गर्दा त्यसको २० प्रतिशत हाराहारीमा संक्रमित पुष्टि भएको छ । एक्कासी एक हप्ताकै अन्तरमा १ देखी २ प्रतिशतबाट संक्रमणदर २० प्रतिशत पुग्नु असामान्य भएकाले तत्काल आम मानिसहरु आफैपनि सचेत बन्नुपर्ने स्वास्थ्य मन्त्रालयका प्रवक्ता डा. जागेश्र गौतमको भनाई छ । यस्तो बेलामा भीडभाडमा नजाने, जानैपर्ने अवस्थामा माक्स स्यानीटाईजरजस्ता स्वास्थ्य सर्तकता अपनाउन आग्रह समेत गरेका छन ।

Prabhu Bank Middle Size
Kumari Bank Middle Size
Loading...