वैशाख २६ गतेदेखि देशभर सार्वजनिक यातायात ठप्प गर्ने यातायात व्यवसायीको निर्णय

                             ट्रक र ट्यांकर पनि चल्न नदिने चेतावनी

सिन्डिकेट हटाउने सरकारको निर्णयको विरुद्धमा रहेका यातायात व्यवसायीले वैशाख २६ गतेदेखि अनिश्चितकालीन यातायात बन्द गर्ने निर्णय गरेका छन् ।
सरकारले संशोधन गरेको सार्वजनिक यातायात व्यवस्थापन कार्य्विधि निर्दे्शिका खारेजीको माग गर्दै व्यवसायीले आन्दोलनको निर्णय गरेका हुन् ।
नेपाल यातायात व्यवसायी राष्ट्रिय महासंघले सांकेतिक रुपमा वैशाख २० गते सबै यातायातका साधन बन्द गर्ने निर्णय गरेको छ । त्यसपछि २६ गतेसम्म भद्रगोल रुपमा सार्वजनिक यातायात सञ्चालन गर्ने रणनीति पनि तय भएको छ ।
आन्दोलनमा ट्रक व्यवसायीदेखि ट्रिपर र ट्यांकर व्यवसायीले पनि साथ दिएका छन् । यो आन्दोलनले यात्रु सेवा मात्रै नभएर माल सामान ढुवानी सेवा पनि अवरुद्ध हुने उनले बताए । ‘६ गते हामी प्रधानमन्त्री र प्रदेशका मुख्यमन्त्रीहरुलाई ज्ञापनपत्र बुझाउँछौं । त्यसपछि हाम्रा गाडीमा विरोधस्वरुप कालो झण्डा राखिनेछ,’ महासंघका एक सदयले भने, ‘१९ गते देशभरका यातायात कार्यालय घेराउ गर्छौं ।’
यति गर्दा पनि सरकारले आफ्नो मागको सुनुवाइ नगरे सार्वजनिक यातायातका साधन ग्यारेजमै थन्काइने महासंघले जनाएको छ । आफ्ना आन्दोलनका कार्यक्रबारे जानकारी दिन वैशाख ५ गते पत्रकार सम्मेलन गरिने महासंघले जनाएको छ ।
आन्दोलनका लागि महासंघले समति गठन गरेर तयारी थालिसकेको छ ।

Related posts

Leave a Comment