मेलम्चीलाई क्षतीपुर्ती सहित म्याद थप

tv annapurna

गृहमन्त्री रामबहादुर थापाले ठेक्का सम्झौताअनुसार तोकिएको समयमा काम सम्पन्न नगर्ने कम्पनी र ठेकेदारलाई कारबाही गर्न देशभरबाट विवरण संकलन गरिरहेको वेला मेलम्ची खानेपानी आयोजनाका ठेकेदारको म्याद भने थप गरिएको छ। आयोजनाले ठेकेदारको म्याद थप्ने मात्र होइन उसको दाबीअनुसार क्षतिपूर्ति पनि दिने तयारी गरेको श्रोतको दावी छ। भूकम्प, नाकाबन्दीलगायत विविध कारणले समयमै काम गर्न नपाउँदा आफूलाई घाटा भएको भन्दै ठेकेदार कम्पनी इटालियन कोअपरेटिभ मुरातोरी एन्ड सिमेन्टिस्टी ९सीएमसी० ले आयोजनासँग एक अर्ब ६५ करोड रुपैयाँ क्षतिपूर्ति दाबी गरेको थियो। सोही दाबीअनुसार आयोजना र ठेकेदारबीचको विवाद टुंग्याउन गठित विवाद निरूपण समिति(डिस्प्युट एड्जुडिकेसन बोर्ड– डीएबी) ले छलफल थालेको थियो।

Related posts

Leave a Comment