बाहुनकी छोरी दलितसँग बिहे गराएको भन्दै शिक्षकको घर जलाईदिए, परिवारलाई गाँउ निकाला

tvannapurna

 

सुदुरपश्चिमको बैतडी जिल्लामा अन्तरजातीय बिहे गराउन भुमिका खेलेको आरोपमा स्थानीय एक शिक्षकको घरमा आगो लगाएर गाउँ निकाला गरेका छन ।
अन्तरजातीय बिहे गराउन भुमिका खेलेको आरोपमा शिवनाथ गाउँपालिकाको कनालीका विस्थापित एक शिक्षक दम्पतिलाई घरबाट निकालेर घरमा आगो लगाईएको छ । शिक्षक करन रानाको घरमा अज्ञात व्यक्तिले शनिबार आगजनि र तोडफोड गरेका हुन् । आफैले पढाउने गैरदलित छात्राको दलित केटासंग बिहे गराइदिएको आरोपमा उनलाई उनकै विद्यालय व्यवस्थापन समितीले समेत विद्यालयबाट समेत अब कहिल्यै पढाउन नपाउने गरि निकालिदिएको जिल्ला प्रहरी कार्यालय बैतडीले जनाएको छ ।
शिक्षक रानाकी श्रीमति सोही स्कुलकी शिक्षिका समेत रहेकी राजु रानाकै योजनामा गैरदलितकी छोरीलाई दलितसँग बिहे गरिदिएको गाँउलेहरुको आरोप छ । शिक्षकको घरमा गरिएको आगजनीबाट अन्नपात र लत्ताकपडा जलेर नष्ट भएको जिल्ला प्रहरीको भनाई छ । राजु राना स्थानीय कृष्ण निमाविमा शिसु कक्षा पढाउने शिक्षिका हुन् भने उनका पति करन राना हिरापुर मावि कनालिमा निमाविमा राहात कोटाबाट अध्यापन गराउदै आएका थिए । १३ वर्षीय छोरी र ९ वर्षीय छोरासँग सदरमुकाममा बस्दै आएका करन रानाको घरमा आगजनी गरेपछि धनमाल र लत्ताकपडा सबै जलेपछि अहिले परिवारकै बिचल्ली भएको छ ।

‘उपल्लो जातिको छोरीलाई तल्लो जातिको केटासँग भगाउनमा तेरो र तेरो पन्तीको हात छ भन्दै मलाई गाउँबाट विस्थापित गरीयो’ रानाले भने । न्यायको लागि महिनौँदेखि राना परिवार सदरमुकाममा बस्दै आएका छन् । ‘नयाँ घरमा आगजनी र्गयो भनेर आफन्तले खबर गरे, सबै सम्पत्ति र लत्ताकपडा घरभित्रै थियो । विस्थापित करन रानको घरमा आगो लगाउने व्यक्तिहरुको खोजिकार्य भइरहेको जिल्ला प्रहरी कार्यालय बैतडीका निमित्त प्रहरी प्रमुख प्रहरी निरिक्षक सुरेन्द्र वमले बताए । आफ्नै गाउँबाट विस्थापित भई जिल्ला सदरमुकाम शाहिलेकमा बस्दै आएका ३५ वर्षीय करन राना र ३० वर्षीया पत्नी राजु रानाले स्थानीय गैरदलित समुदायकी छात्रा दलित समुदायका केटासंग भगाउनमा आफ्नो कुनै हात नरहेको बताउँदै आएका छन् ।

एक महिनासम्म सम्पर्क बिहिन बनेका गैरदलित समुदायकी छात्रा र दलित समुदायका केटा ०७३ मा सम्पर्कमा आएका थिए । छात्राले दलित केटासंग आफुखुसि गएको प्रहरी समक्ष बयान दिएपनि केटीको उमेर २० वर्ष नपुगेकाले उनलाई आ–आफ्नो परिवारको जिम्मा लगाइएको थियो । सोहि घटनापछि शिक्षक दम्पति र उनका छोराछोरी विस्थापित भएका हुन् । गैरदलित समुदायले आफुहलाई गाउँमा आए मार्ने धम्की दिने गरेको पीडित शिक्षक रानाले गुनासो गरे ।

Related posts

Leave a Comment