दुई दिदीबहिनीका एक दुलहा,भन्छन् “हामी तीनै जना खुसी छौ “

भारतको महाराष्ट्र राज्यमा पर्ने कोटग्याल गाउँमा सबैलाई अचम्म पार्ने घटना सार्वजनिक भएको छ । भने उक्त गाउँ निकै चर्चामा पनि छ । चर्चाको कारण हो एक जना दुलाहले दुइजना दुलहीलाई विवाह गर्नु । उनीहरुको मे ५ मा विवाह भएको हो । दुलहीहरू धुरपता र राजश्री शिरगिरे दिदीबहिनी हुन् जोसँग साइनाथ उरेकरले बिहे गरेका हुन्। उनीहरुलाई विवाहबारे सोध्रा जे भयो राम्रै भयो भन्ने प्रतिक्रिया दिने गरेका छन् । दैनिक आउने विभिन्न सञ्चारमाध्यमका मान्छेको कारण उनीहरु हैरान समेत भएका छन् ।
उनका काका भन्छन्, संसार शुरू हुनुभन्दा पहिले नउजाडियोस् भनेर हामीलाई डर लाग्छ। एउटै केटासँग दुईजनाको बिहे गर्नु गैरकानूनी हो भन्ने कुरा हामीलाई थाहा थिएन। छोरीहरूको खुशी चिताएरै काकाले एउटै केटासँग बिहे गराएका हुन्।“
साइनाथ उरेकर धुरपता र राजश्रीकी फुपूका छोरा हुन्।
प्रकाश शिरगिरेले भने, “धुरपता बाल्यकालदेखि सुस्त मनस्थितिकी छन् र बिरामी भइरहनछिन्। उपचार गराउँदा पनि केही भएन।“
“साइनाथ बाल्यकालदेखि राजश्री र धुरपतासँगै हुर्किएका हुन्। धुरपता सुस्त मनस्थितिको भएको थाहा हुँदा(हुँदै ऊ बिहे गर्न तयार भयो। र, उनीहरूले नयाँ जीवनको शुरूवात गरिसकेका छन्।“
प्रकाशसँग कुरा गरिरहँदा छेउमा उभिएका मानिसहरूले हामीलाई फर्किन भनिरहेका थिए।
“हामीलाई थाहा छैन यो गलत हो अथवा सही तर हामी सबै खुशी छौँ।“दुलहीकी आमा भन्छीन् ।
यसबीचमा हामीले थाहा पायौँ कि दुलहा र दुलहीहरू बाहिर नभइ दुलहाको गाउँ समराला गएका रहेछन्।
दुलहा दुलहीका आमा
हामीहरूले उनीहरूसँग सम्पर्क गर्न खोज्यौँ। सबैभन्दा पहिले हामीले कान्छी बहिनी राजश्रीसँग कुरा गर्यौँ।
उनले भनिन्, “दिदी सुस्त मनस्थितिको हुनुहुन्छ। जसका कारण उहाँको बिहे हुन समस्या भइरहेको थियो। कोही पनि बिहे गर्न तयार थिएन।“
मेरो चाहना थियो मेरो भन्दा पहिले दिदीको बिहे होस्, साइनाथसँग मेरो बिहेको कुरा चल्दा मैले मेरो चाहनाबारे उनलाई पनि बताएँ। उनी हामी दिदीबहिनीसँग बिहे गर्न तयार भए। र, अहिले हामी तीनै जनाको संसार बसिसकेको छ।“
बहिनीको शर्त
राजश्रीसँग कुरा गरेपछि हामीले साइनाथसँग पनि कुरा र्गयौँ।
उनले भने, “राजश्री मेरो मामाकी छोरी हुन्, म उसैको घरमा हुर्किएको हुँ। राजश्री र उसको परिवारका सदस्यले दुवै जनासँग बिहे गर्न सक्ने वा नसक्नेबारे मलाई सोधेपछि मैले सक्छु भनेँ अनि हाम्रो बिहे भयो।“ ६० वर्षीय गङ्गाधर शिरगिरेकी तीनजना छोरी छन्( राजश्री, धुरपता र ज्योति।
बिहेको कार्ड
आफ्नो छोरा नभएपछि गङ्गाधरले बहिनीका छोरा साइनाथको आफैँले पालनपोषण गरेका हुन्।
बाल्यकालमै साइनाथको बिहे धुरपतासँग गर्ने कुरा भएको थियो। तर पछि धुरपताको मानसिक स्वास्थ्यमा सुधार नआएपछि राजश्रीसँग बिहे गर्ने निर्णय भयो।
तर राजश्रीले साइनाथ समक्ष शर्त राखिन्, “यदि मसँग बिहे गर्ने हो भने भने तपाईँले मेरी दिदीलाई पनि स्वीकार्नुपर्छ।“
मनोपरामर्श
साइनाथले राजश्रीको शर्त स्वीकार गरेपछि तीनै जनाको बिहे भयो।
दुलहा दुलहीका परिवारको मानसिक स्थिति बुझ्न हामीले गाउँका केही मानिसहरूसँग कुराकानी र्गयौँ।
सन्तोष नाम गरेका एकजनाले भने, “कानूनी कारबाही हुन सक्ने डरले शिरगिरे परिवार तनावमा छ, उनीहरूलाई मनोपरामर्शको खाँचो छ।“
त्यस विषयमा हामीले एकजना वकिल असीम सरोदेसँग कुरा र्गयौँ।
उनले भने, “कानूनी रूपमा दुइटा बिहे गर्न पाइँदैन। उनीहरूको हकमा पनि मुद्दा चलाउन सकिन्छ।“
“तर यहाँ केटाले एउटै दिदीबहिनीसँग बिहे गरेको हेर्दा अपराध गर्ने उद्देश्यले देखिँदैन। यो घटनामा कानूनी कदम चाल्दा कसैलाई फाइदा हुँदैन। सबै मिलेर यसको हल खोज्नुपर्छ।“

Related posts

Leave a Comment